МУИС-д хэзээ, хэрхэн элсэх вэ?

Элсэлтийн бүртгэл орон даяар 2020 оны 6 дугаар сарын 1-ний өдрийн 09:00 цагт нээж 7 дугаар сарын 6-ны өдрийн 12:00 цагт хүртэл https://burtgel.num.edu.mn хаягаар бүртгэнэ. Элсэх эрх олгох үйл ажиллагааг 2020 оны 7 дугаар сарын 10-ны өдрийг дуустал зохион байгуулна.

МУИС-д хэн элсэх боломжтой вэ?

2020 онд ЭЕШ өгөхөөр Боловсролын үнэлгээний төв (БҮТ)-д бүртгүүлсэн болон БҮТ-ийн хүчинтэй батламжтай иргэн байна.

Дараах бүртгүүлэгчийг шилдэг элсэгч гэж үзэн МУИС-д шууд элсүүлнэ. Үүнд:

  • БСШУСЯ-аас тогтоосон Олон улсын болон улсын олимпиадад оролцож 1-3-р байрт шалгарсан бүртгүүлэгчийг олимпиадад оролцсон чиглэлэээр нь бүрэлдэхүүн сургуульд элсүүлэх;
  • IELTS 5, TOEFL iBT 35, TOEFL PBT 500, TOEIC 685-аас дээш оноотой бүртгүүлэгчийг ШУС-ын ХУС-т элсүүлэх;
  • Кембрижийн олон улсын AS (A) түвшний шалгалтын b (B) -ээс дээш оноотой бүртгүүлэгчийг шалгалт өгсөн чиглэлээр нь бүрэлдэхүүн сургуульд онооны дарааллаар жагсаан, эхний 3 байрт эзэлснийг элсүүлэх;
  • Спортын өндөр ур чадвартай бүртгүүлэгчийг ШУС-ын БУС, ХШУИС-д элсүүлэх

Элсэх эрхээ хэрхэн баталгаажуулах вэ?

  • Бүртгүүлэгчийн тооцоолсон оноог бүрэлдэхүүн/салбар сургууль тус бүрээр бодож 07 дугаар сарын 07-ны 09:00 цагт ОНООНЫ ЖАГСААЛТ гаргах ба элсэх эрх олгох үйл ажиллагааг 07 дугаар сарын 07-ны өдрийн 11:00 цагаас 2020 оны 07 дугаар сарын 10-ны өдрийн 17:00 цаг хүртэл зохион байгуулна.
  • Бүртгүүлэгч хяналтын тоонд багтсан эсэхээ онооны жагсаалт гарсны дараа элсэлтийн системд нэвтэрч шалгана.
  • Бүртгүүлэгч хяналтын тоонд багтаж элсэх эрхтэй болсноос хойш эхний жагсаалтын бүртгүүлэгчид 24 (элсэлтийн комиссын шийдвэрээр хугацаа өөрчлөгдөж болно) цагийн дотор, дараагийн бүртгүүлэгчид 6 цагийн дотор элсэх бүрэлдэхүүн/салбар сургуулийн ерөнхий суурь хөтөлбөрийн 1 багц цагийн төлбөрийг цахимаар төлж, элсэх эрхээ баталгаажуулна.

Элсэх эрх баталгаажуулах заавартай доорх холбоосоор орж танилцана уу

https://burtgel.num.edu.mn/bachelor/modules/body/help/bakalavr/Newtopic12.html

  • Элсэх эрхээ баталгаажуулсан элсэгч нь журамд заасан бичиг баримтыг бүрдүүлэн 2020 оны 08 дугаар сарын 10-наас 08 дугаар сарын 21-ны хооронд ажлын цагаар Элсэлт, бүртгэлийн хэлтэст өөрийн биеэр ирж бүртгүүлнэ.

Монгол Улсын Их Сургууль

Байршил:

Их сургуулийн гудамж - 1, Бага тойруу, Сүхбаатар дүүрэг, Улаанбаатар

Утас:

77307730,75754400 – 1122, 1123, 1124, 1125, 1126, 1127, 1128, 1129